સ્વાતંત્ર્ય દિન સમારોહ ૧૫મી ઓગસ્ટ, ૨૦૨૪
અમદાવાદ ગુરુકુલ ખાતે, ૭૮મો સ્વાતંત્ર્ય દિન સમારોહ, સંતો, મહાનુભાવો, એસજીવીપી ઇન્ટરનેશનલ સ્કૂલ, દર્શનમ સંસ્કૃત મહાવિદ્યાલય, અને ગુરુકુળ અમદાવાદ, મેમનગરના વિદ્યાર્થીઓ તથા શૈક્ષણિકસ્ટાફ, વાલીઓ અને ભક્તજનોની ઉપસ્થિતિમાં ભવ્ય રીતે ઉજવવામાં આવ્યો હતો.
કોઠારી શ્રી ધર્મનંદનદાસજી સ્વામી અને મહાનુભાવો દ્વારા રાષ્ટ્ર ધ્વજ ફરકાવી, સલામી અને ધ્વજવંદના બાદ, દરેક સ્કૂલના વિદ્યાર્થીઓ દ્વારા શાનદાર માર્ચ-પાસ્ટ બાદ ગુરુકુલ અમદાવાદનાં વિદ્યાર્થીઓએ લેજીમ, યોગાસન, પિરામિડ વગેરે અંગકસરતના વિવિધ દાવો ઉપરાંત દેશભક્તિની પ્રેરણાસભર રૂપક-પ્રસંગો અને પ્રવચનો રજૂ કર્યા હતા. અંતમાં કોઠારી શ્રી ધર્મનંદનદાસજી સ્વામીએ સ્વાતંત્ર્ય સેનાનીઓ અને શહીદોના અજોડ બલિદાનો તથા સૈનિકોના રાષ્ટ્રભક્તિસભર પ્રેરક પ્રસંગો વર્ણવી પ્રેરક ઉદ્બોધન કર્યું હતું.
