શરદ પૂર્ણિમા મહોત્સવ, SGVP
શરદ પૂર્ણિમા, તા. ૧૭ ઑક્ટોબર, ૨૦૨૪ ના રોજ SGVP ખાતે, પરમ પૂજ્ય ગુરુવર્ય શાસ્ત્રી શ્રી માધવપ્રિયદાસજી સ્વામીની પ્રેરણા અને પરમ પૂજ્ય સદ્ગુરુ પુરાણી શ્રી બાલકૃષ્ણદાસજી સ્વામીના સાનિધ્યમાં, સંતો, મહાનુભાવો, વિદ્યાર્થીઓ અને હજારો હરિભક્તોની ઉપસ્થિતિમાં શરદ પૂર્ણિમાનો મહોત્સવ ભવ્યરીતે ઉજવાયો હતો.
સંતો અને મહાનુભાવોએ શ્રીજી મહારાજની ચાર ચાર આરતી ઉતારવાનો લાભ લીધો હતો. એસજીવીપી હોસ્ટેલના NRI વિદ્યાર્થીઓ અને ગુરુકુલ મેમનગરના વિદ્યાર્થીઓએ વિવિધ રાસ રજૂ કર્યા હતા. કરી ઉપસ્થિત સર્વે ભક્તજનોને આનંદ પમાડયા હતા.
આ પ્રસંગે ફુલછાબ દૈનિક પત્રના તંત્રી શ્રી કૌશિકભાઇ મહેતા દ્વારા લિખિત ગુજરાતી પુસ્તક ‘મોહનથી માધવ સુધી’ પુસ્તકનું અંગ્રેજી ભાષાંતર થયેલ પુસ્તકનું વિમોચન કરવામાં આવ્યું હતું.
પૂજ્ય બાલકૃષ્ણદાસજી સ્વામી ઉપરાંત મહાનુભાવોએ પ્રાસંગિક પ્રવચનો કર્યા હતા.
આફ્રિકામાં સત્સંગ વિચરણ કરી રહેલા પૂજ્ય સ્વામીજીએ ટેલિફોનિક માધ્યમથી આશીર્વચન પાઠવ્યા હતા.
અંતમાં સૌએ દૂધ પ્રસાદ લીધો હતો.
