રાજકોટ ગેમઝોન દુર્ઘટનામાં અસરગ્રસ્તો માટે પ્રાર્થના
રાજકોટમાં એક ગેમઝોનમાં લાગેલી વિકરાળ આગમાં અનેક જિંદગીઓ હોમાઈ ગઈ. કેટલાય પરિવારો ઉપર દુઃખના ડુંગરા ટૂટી પડ્યા. માતા-પિતા સંતાન વિહોણા થયા. આ ઘટનાથી દરેકના હૃદયને ભારે આઘાત પહોંચ્યો છે.
ત્યારે અમેરિકા સત્સગ પ્રચારાર્થે વિચરણ કરી રહેલ ગુરુવર્ય શાસ્ત્રી શ્રી માધવપ્રિયદાસજી સ્વામીએ સદ્ગત જીવાત્માઓને શ્રદ્ધાંજલિ અર્પણ કરતા જણાવ્યું હતું કે ભગવાન શ્રીહરિ આ ગોઝારી ઘટનામાં મૃત્યુ પામેલા જીવાત્માઓને શાશ્વત સુખ આપે. એમના પરિવારજનોને આવેલા દુઃખને સહન કરવાની ધીરજ અર્પે એવી સમગ્ર SGVP ગુરુકુલ પરિવાર પ્રાર્થના કરે છે.
સંતમંડળ તથા વિદ્યાર્થીઓ-હરિભક્તો ધૂન-ભજન કરી પ્રાર્થનામાં જોડાયા હતા અને સર્વ દિવંગતોને શ્રદ્ધાંજલિ અર્પણ કરી હતી. તથા ગુરુકુલના બાળકોએ ભગવાન સમક્ષ દીપ પ્રગટાવી પ્રાર્થના કરી હતી.
![](https://swaminarayangurukul.org/wp-content/uploads/2024/05/01-Solace-for-Rajkot-tragedy-1-1024x683.jpg)