Visit

મુખ્યમંત્રી પદ ગ્રહણ કરતાં પહેલા માનનીય પૂર્વ નામીત મુખ્યમંત્રી શ્રી ભુપેન્દ્રભાઈ પટેલ, SGVP શ્રી સ્વામિનારાયણ ગુરુકુલ, છારોડી ખાતે દર્શને તથા સંતોના આશીર્વાદ લેવા પધાર્યા હતા.

પૂજ્ય ગુરુવર્ય શાસ્ત્રી શ્રી માધવપ્રિયદાસજી અને પૂજ્ય પુરાણી શ્રી બાલકૃષ્ણદાસજી સ્વામીએ, ઋષિકુમારો દ્વારા વૈદિક મંત્રગાન અને પૂર્ણકુંભ સાથે તેમનું સ્વાગત કર્યું હતું, અને રાજ્ય સંચાલનમાં સફળતા માટે શુભ કામના પાઠવી હતી.

કવિશ્રી રાજેન્દ્રભાઇ શુક્લ દ્વારા કાવ્ય ગોષ્ઠિ

ભારતના ગૃહ પ્રધાન શ્રી અમિતભાઈ શાહ રથયાત્રાના પુનિત પર્વે પરમ પૂજય સદ્ગુરુ શ્રી બાલકૃષ્ણદાસજી સ્વામીની તબિયત નાદુરસ્ત હોવાથી તેમના ખબર અંતર પૂછવા SGVP Holistic Hospital પધાર્યા હતા પૂજય બાલકૃષ્ણદાસજી સ્વામીને મળીને શ્રી અમિતભાઈએ, સ્વામી જલ્દી સાજા થઈ જાય તેવી ભગવાન પાસે પ્રાર્થના કરી હતી. પૂજ્ય બાલકૃષ્ણદાસજી સ્વામીએ અમિતભાઇને ભગવાન દેશહિતના તમામ કાર્યમાં સફળતા અપાવે એવા આશીર્વાદ આપ્યા હતા.

શ્રી સ્વામિનારાયણ ગુરુકુલ વિશ્વવિદ્યા પ્રતિષ્ઠાનમ્‌ (SGVP)ના પ્રાંગણમાં તૈયાર થયેલ યોગ, આયુર્વેદ અને એલોપથીના પવિત્ર સમન્વય સ્વરૂપ શ્રી જોગીસ્વામી હોલિસ્ટિક હોસ્પિટલનું ટૂંક સમયમાં જ ઉદ્‌ઘાટન થવા જઇ રહ્યું છે, ત્યારે તારીખ ૪, નવેમ્બર ૨૦૧૭ અને દેવદિવાળીના શુભ દિવસે સુપ્રસિદ્ધ ભાગવતાચાર્ય શ્રી રમેશભાઇ ઓઝા (પૂજ્ય ભાઇશ્રી)એ આ હોલિસ્ટિક હોસ્પિટલમાં પધરામણી કરી શુભાશીર્વાદ પાઠવ્યા હતા.