photo gallery
ગુરુવર્ય શાસ્ત્રી શ્રી માધવપ્રિયદાસજી સ્વામીના પાવન સાનિધ્યમાં દેશ વિદેશના હરિભક્તો દ્વારા કાશ્મીરના તીર્થસ્થાનોની યાત્રાનું આયોજન થયું. આ યાત્રા દરમિયાન સ્વામીશ્રીએ ખાસ કાશ્મીર રાજભવનમાં મહામહીમ રાજ્યપાલશ્રી મનોજ સિન્હાજી સાથે શુભેચ્છા મુલાકાત કરી હતી.
આ મુલાકાત દરમિયાન પૂજ્ય સ્વામીજી તથા રાજ્યપાલશ્રી વચ્ચે કાશ્મીરની પ્રગતિ વિશે ચર્ચા થઈ હતી. પૂજ્ય સ્વામીજીએ જમ્મુ-કાશ્મીરની પ્રાચ્ય જ્ઞાનપરંપરાને આગળ ધપાવવા વર્તમાન સરકાર દ્વારા થતા પ્રયત્નોને બિરદાવ્યા હતા. અમરનાથની યાત્રાએ આવતા વિશ્વભરના યાત્રીઓ માટે સુરક્ષા-સુવિધાઓ અંગે પણ ચર્ચા થઈ હતી.
આ પ્રસંગે પૂજ્ય સ્વામીજી સાથે અભિષેક ઉપાધ્યાય, રામસુખદાસજી સ્વામી, ભક્તવત્સલદાસજી સ્વામી, વિશ્વમંગલદાસજી સ્વામી, કાનજીભાઈ પટેલ, રવજીભાઈ હિરાણી, દેવશીભાઈ વરસાણી તથા અશ્વિન પટેલ વગેરે પણ જોડાયા હતા.
