૫૧ કલાક અખંડ ધૂન
આગામી શ્રી લક્ષ્મીનારાયણ દેવ દ્વિશતાબ્દી મહોત્સવ વડતાલધામ ઉપક્રમે પરમ પૂજ્ય ગુરુવર્ય શાસ્ત્રી શ્રી માધવપ્રિય દાસજી સ્વામીની પ્રેરણા અને પરમ પૂજ્ય સદ્ગુરુ પુરાણી શ્રી બાલકૃષ્ણદાસજી સ્વામીની પાવન ઉપસ્થિતિમાં SGVP દ્રોણેશ્વર ખાતે SGVP ગુરુકુલ પરિવાર દ્વારા ૫૧ કલાક સ્વામિનારાયણ મહામંત્રની અખંડ ધૂનનું આયોજન થયું હતું.
તા. ૨૬ જુલાઇ સવારે ૭:૦૦ કલાકથી તા. ૨૮ જુલાઇ સવારે ૧૦:૦૦ કલાક સુધી નાઘેર વિસ્તારના ભક્તો દ્વારા ધૂન કરવામાં આવી હતી.
ફાટસર, ઇટવાયા, દ્રોણ, ખીલાવડ, અંબાળા, નવા જૂના ઉગલા, કાંધી, વડલી, ભાચા, રબારીકા, સાળવા, પીપરીયા, લુવારી મોલી, નાના-મોટા સમઢીયાળા, ઊંટવાળા, ગીર ગઢડા, જરગલી, ઉના, વડવિયાળા, હરમડિયા, સનવાવ, જામવાળા, બાબરીયા, ભાખા, મોઢા, સંજવાપુર, જુડવડલી, બંધારડા, વાજડી, વગેરે ગામોના હરિભક્તો ઉત્સાહ અને ભક્તિભાવથી આ અખંડ ધૂનમાં જોડાયા હતા.
ધૂનની પૂર્ણાહુતિમાં પરમ પૂજ્ય સદ્ગુરુ પુરાણી શ્રી બાલકૃષ્ણદાસજી સ્વામી સ્વામીએ સર્વે ભક્તોને આશીર્વાદ પાઠવ્યા હતા.
